Жаңаөзенде шағын футболдан турнир өтті

Жаңаөзен қаласының 50 жылдық мерейтойына орай қалалық жастар ресурстық орталығы шағын футболдан турнир ұйымдастырды. Жастардың достық қарым-қатынасын нығайта отырып, спортты қоғам ішінде жаппай насихаттауды мақсат тұтқан додаға 16–19 жас аралығындағы жасөспірімдерден құралған 14 команда қатысты.

Жолдастық сипатта өткен доп жарысының нәтижесінде І орын­ды «Қыран» еркін құрамасы жеңіп алса, ІІ орынға Сүгір Бе­гендікұлы атындағы №4 орта мектептің құрама командасы ие болды. Ал ІІІ орын О.Тұрмағанбетұлы атындағы Маңғыстау индустриал­ды-­техникалық колледжінің құрама командасына бұйырды.

Жеңімпаздар дипломмен, алғыс хаттармен, кубок және медальдармен марапатталды. Жүлдегерлерді жастар ресурстық орталығының директоры, «Жас  Отан» жастар қанатының  жетекшісі Ғани Құрманғалиев марапаттады.

Үміт ЖӘЛЕКЕ

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.