Жерлесіміз жүлдегер атанды
[ 2019 ] 5 желтоқсан, 10:00 | Жаңалықтар
Әбіш Кекілбаев – әдебиеттің біраз жанрында қалам тербеген жазушы. Биыл Нұр-Сұлтан қаласындағы ұлттық академиялық кітапхана жазушының 80 жылдығына бірнеше номинацияда шығармалар байқауын жариялады. Жазушының мерейтойы қарсаңында Нұр-Сұлтанда өткен халықаралық кітап конгресінде байқау нәтижесі жарияланды. Cайысты қорытындылайтын қазылар құрамында елімізге танымал жазушы Төлен Әбдік және белгілі ғалымдар болды. Халықаралық беделді сайыста Маңғыстау өлкесінен «Әбіш Кекілбаев – этнограф-ғалым» номинациясы бойынша филология ғылымдарының докторы атағын Әбіш шығармашылығынан қорғаған өлкетанушы ұстаз Жанбибі Дүйсенбаева жүлдегер болды. Бұл жолы әбіштанушы ғалым қара қойдың қарақұртты қақшуын ғылыми тұрғыда дәлелдеп, тың тақырыпты терең зерттеуімен ерекшеленді. Байқауды ұйымдастыру барысында этнография саласы бойынша елімізге танымал этнодизайнер Ырза Тұрзынзадақызы демеушілік жасады.
Үміт ЖӘЛЕКЕ
2333
Желіде бөлісу: Facebook Twitter ВКонтакте
WhatsApp Mail.ru Telegram
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
