Олимпиадада қанша боксшы бақ сынайды?

Токио олимпиадасында ерлер құрамасы 8 салмақ бойынша 186 боксшы бақ сынайды, - деп хабарлайды mangystaumedia.kz.

Ал еліміздің былғары қолғап шеберлері наурыз айының 3–11 күндері Иорданияның Амман қаласында өткен лицензиялық турниріне қатысып, 2 алтын, 2 күміс және 3 қола медаль мен командалық есепте екінші орыннан көрінді. Ұлттық құраманың бас бапкері Ғалым Кенжебаевтың шәкірттері Токио олимпиадасына толық құраммен баратын болды.

Иорданияда өткен іріктеу турниріне аруларымыз да қатысты. Жалғыз жолдамаға 19 жасар Надежда Рябец қана ие болды. Бокстан әйелдер құрамасының бас бапкері Ерік Алғабектің шәкірттеріне Париж қаласында өтетін әлемдік лицензиялық турнирінде жолдама алуға мүмкіндік бар.

Жалпы, Токио олимпиадасына әйелдер құрамасы 5 салмақта 100 боксшы қатысып, жүлдеге таласады.

Айта кетейік, биыл өтуі тиіс Токио олимпиадасы келер жылға қалдырылды.

Еске сала кетейік, бокстан 2016 жылы Рио-де Жанейро олимпиадасында ерлер (10) мен (3) әйелдер 13 салмақ дәрежесі бойынша өткізілді. Қазақ боксшылары толық құрамымен қатысып, 1 алтын, 2 күміс, 2 қола медалға қолжеткізді. Олар 69 келі салмақта Данияр Елеусінов – алтын, 81 кг-да Әділбек Ниязымбетов пен 91 кг-да Василий Левит екеуі де күміс алса, ауыр салмақта Иван Дычко мен 75 кг-да Дариға Шакимова қола медалға ие болды.

Айбек Мұханов

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.