Түпқараған ауданының төтенше жағдайлар бөлімі ескертеді
[ 2019 ] 30 мамыр, 07:56 | Біле жүріңіз
Күн ысысымен барлық су айдынында, теңізде демалушылардың саны күрт өсуде. Судағы жазатайым жағдайлардың негізгі себебі - ересектер мен балалардың су айдынындағы міндетті қауіпсіздік ережелерін сақтамауы немесе оны білмеуі.
Сондықтан судағы негізгі қауіпсіздік ережелерін есте сақтаңыз:
- тек жабдықталған жағажайлар мен басқа да шомылуға арналған орындарда, ресми рұқсаты және құтқару қызметі бар жерлерде шомылыңыз;
- жүзу білмейтіндер белдеріңізден жоғары келетін суға кірмеңіз;
- шомылу кезінде бір-біріңізді көзден таса қылмаңыз;
- жағадан алыс қойылған белгіден ары жүзіп кетпеңіз;
- жүзе білмей, дөңгелекті, үрмелі матрасты пайдаланбаңыз;
- жүзіп келе жатқан катерлер мен қайықтарға жақындамаңыз;
- қайықтан, көпірден және кеме аялдайтын орыннан суға секірмеңіз;
- суға көп шомылмаңыздар, аса тоңып және шаршап қалуыңыз мүмкін;
- түнгі уақытта және мас күйлеріңізде суға түспеңіз.
Құрметті аудан тұрғындары мен қонақтары!
Балаларды қатаң бақылаңыз және оларды үлкендердің бақылауынсыз қалдырмаңыз. Балаларға тек арнайы жабдықталған орындар мен жерлерде үлкендердің қадағалауымен ғана шомылуға рұсқат етіңіз. Балаларға үрмелі матрацтармен, каме- ралармен, тақтайлармен, үрмелі ойыншықтармен жүзуге қатаң тыйым салынады. Оларды жағадан жел немесе ағын алысқа алып кетуі мүмкін, ал бұл көмек көрсетуге қиындық туғызады.
Суда абай болыңыздар! Су айдынындағы міндетті қауіпсіздік ережелерін сақтаңыздар, сонда су жағасындағы жазғы демалыс қайғылы болмайды.
Түпқараған ауданының төтенше жағдайлар бөлімі
506
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
