Биыл қарақиялық 220 отбасыға АӘК тағайындауға 100,3 млн теңге бөлінген

Бүгінде 174 отбасыдан өтініш қабылданып, оның 151-іне 10,2 млн теңге төленген, - деп хабарлайды mangystaumedia.kz сайты.

Халыққа есеп беру кездесуінде Қарақия ауданының әкімі Қыдырберді Бековтің айтқандай, атаулы әлеуметтік көмек алушылардың балаларына кепілдендірілген әлеуметтік пакеттер берілмек.

Қарақияда жәрдемақы алатын көп балалы аналардың саны 1260. Оларға бір жылда 159,0 млн. теңге қаражат жұмсалған.

Ал 2020 жыл басынан көп балалы отбасыларға жаңа форматта берілетін жәрдемақы жүйесі арқылы 1734 көп балалы отбасына 86,7 млн теңге төленген.

2019 жылы Алтын алқа, Күміс алқа иегерлеріне 4,8 млн теңге төленіп, биыл мыңға жуық осы санаттағы аналарға 5,5 млн теңге қарастырылған.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.