Маңғыстауда 20 тонна қара металл ұрланды

Мүлігі ұрланған ұйымның директоры қылмыскерлерді қолға түсіргені үшін полицияға алғыс айтты, деп хабарлайды mangystaumedia.kz облыстық Полиция департаментіне сілтеме жасап.

«Жезкенконтракт» ЖШС директорының атынан Маңғыстау облыстық ПД бастығы, полиция генерал-майоры Аян Дүйсембаевқа алғыс жолданды. Хатта Қарақия аудандық полиция бөлімінің қызметкерлері арызына дереу ден қойып, жедел-іздестіру іс-шараларын жүргізу барысында қылмыстың ізін суытпай ашып, қылмыскерлерді анықтап, ұрланған мүлікті мекемеге қайтарғаны айтылады.

Оқиға қыркүйектің 7-нен 8-іне қараған түні болған. Белгісіз тұлғалар Кендірлі демалыс аймағының дәл маңайында «Жезкенконтракт» ЖШС-не тиесілі 20 тонна қара металды тиеп, ұрлап кеткен. Жедел іздестіру шаралары барысында криминалдық полиция қызметкерлері 44 жастағы күдіктіні анықтап, ұстады. Ұсталған азамат өз кінәсін толық мойындады. Аталған факт ҚР ҚК-нің 188-бабы бойынша тіркелді. Қазіргі уақытта қылмыстық іс тергелуде. Күдіктіге қатысты «үй қаммаққа алу» бұлтартпау шарасы таңдалды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.