Маңғыстау облысында «Yessenov Fest – 2022» республикалық студенттер фестивалі өтеді

Шахмардан Есенов атындағы Каспий мемлекеттік технологиялар және инжиниринг университетінде «Yessenov Fest – 2022» республикалық студенттер фестивалі өтеді, деп хабарлайды mangystaumedia.kz

Бұл туралы университет президенті Берік Ахметов мәлімдеді. Спикердің айтуынша, шара 14-15 мамыр күндері өтеді және Ақтау қаласының 15-40 жас аралығындағы тұрғындарын қамтиды.

Фестиваль аясында спорттың 7 түрінен жарыс ұйымдастырылады:

- Футбол 5х5;
- Streetball 3х3;
- Волейбол 6х6;
- Үлкен теннис;
- YESSENOV BARYSY (қазақ күресі);
- Шахмат;
- 10 шақырымға жүгіру.

- Сондай-ақ, фестиваль аясында дебат, пәндік олимпиада, стартап жоба және жастар шығармашылығы байқаулары болады. Бұған қоса, Qanay, Californiya, Бауыржан Ретбаев сынды эстрада жұлдыздарының қатысуымен теңіз жағалауында гала-концерт өтеді. Оған 15-20 мың көрермен жиналады деп күтілуде, - деді Берік Ахметов.

Айта кетейік, жағалау бойымен 10 шақырым жүгіру эстафетасына да 1000-нан астам адам қатысады деп жоспарланып отыр.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.