Облыста 19 мыңнан астам адам екпе алды

Маңғыстауда коронавирусқа қарсы екпе алған адамдардың жалпы саны 19 517 адамды құрады. Екпе салу кабинеттерінің саны 32-ге жетті, деп хабарлайды mangystaumedia.kz.

Маңғыстау облыстық денсаулық сақтау басқармасы баспасөз қызметінің хабарлауынша, 25 сәуірде 440 адам вакцинаның І компонентімен егілген. Атап айтқанда, «Нейрон» медициналық клиникасында-35, Мұнайлы орталық аудандық ауруханасында-85, Маңғыстау аудандық орталық ауруханасында-10, Түпқараған орталық аудандық ауруханасында-10, №1 Ақтау қалалық емханасында-50, №2 Ақтау қалалық емханасында-170, №2 және №3 Жаңаөзен қалалық емханаларында-55, «Медикер Каспий» медициналық клиникасында-25.

Вакцинаның ІІ компонентімен барлығы 240 адам егілді. «Нейрон» медициналық клиникасында-50, Мұнайлы орталық аудандық ауруханасында-15, Түпқараған орталық аудандық ауруханасында-15, №1 Ақтау қалалық емханасында-75, №2 Ақтау қалалық емханасында-30, Маңғыстау аудандық орталық ауруханасында-30, Бейнеу аудандық орталық ауруханасында-25.

Осылайша, облыс бойынша вакцинациялау басталғалы І компонентпен егілгендердің жалпы саны 19 517 адамды құрады.
ІІ компонентпен 2947 адам егілді.

Кез-келген тұрғын өзі тұратын ауданға қарамастан, егу кабинетінің кез-келгенінде екпе жасай алады. Вакцинация дәрігердің алдын ала медициналық тексеруінен кейін ғана жүргізіледі. Процедура тегін.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.