Маңғыстау облысы Мұнайлы ауданы әкімінің кубогы үшін футболдан жарыс ұйымдастырылды. Сайысқа облыстың түкпір-түкпірінен 13 команда бақ сынады. Бұл туралы mangystaumedia.kz сайты Ақтау гарнизонының баспасөз қызметіне сілтеме жасап хабарлайды.
25744 әскери бөлімінен жиналған команда жүлделі ІІ орынға ие болды. Құрамында 12 әскери қызметші бар топ осындай додаға бірінші рет қатысып, бақ сынады. Бір ай бойы әскерилер тартысты сайыста сенбі, жексенбі күндері барлық командамен жеке-жеке ойнап шықты.
Әскери топ енді «А» лигасына өтіп, облыстық сайысқа және ЛЛФ (лига любителей футбола) ойындарына жолдама алды.
- Ойын өте тартысты өтті. Ойыншылардың дене дайындығы жақсы. Енді алдағы уақытта бар күш жігерімізді салып, ойындарда
І орын алып қуантамыз деген сенімдемін, – деп атап өтті команда капитаны, 25744 әскери бөлімі байланыс қызметінің офицері аға лейтенант Талғат Мусин.
Іс-шара соңында жеңімпаз командалар кубокпен, дипломмен, медальдармен және ақшалай сыйақымен марапатталды.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
