Пандемия жағадан алып, індет жайлаған шақта Жаңаөзен қаласында кейбір мейрамханалар өз жұмысын жасырын жүргізіп әлек. Бас санитарлық дәрігердің қаулысында айтылған шектеу шараларына қарамастан, пайда көздеп жұмыс істейтіндер, заңды белден басқан кәсіпкерлер саны аз емес. Жыл басынан бері Жаңаөзенде 27 кәсіпкер карантин режимін бұзғаны үшін әкімшілік жауапкершілікке тартылған.
Сонымен қатар, Жаңаөзен қаласы Полиция басқармасының қызметкерлерінен әкімдік жанынан құрылған мобильді топ СЭС мамандарымен бірлесіп өткізген кезекті рейд кезінде карантин тәртібін бұзып, сағат 20.00-кейін тапсырыс берушілерді қабылдаған кафені анықтап, нысан иесіне заң аясында әкімшілік хаттама толтырылды.
ҚРӘҚБтК-нің 590 бабы 5 бөлігімен (сыртқы жарық беру аспаптар деректері көлік құралының конструкция талаптарына сәйкес келмейді) әкімшілік хаттама жасақталып, 13 890 теңге көлемінде айыппұл салынды.
Мұнайлы қала әкімдігі жанындағы мониторингтік топ пен қалалық Полиция басқармасының қызметкерлері бірлескен рейд кезінде топ мүшелері «Марокко», «Еуразия», «Садж-Мангал», «Мангал» кафелерінің карантин тәртібінің шектеу талаптарының орындалысына мониторинг жүргізді. Нәтижесінде «Садж-Мангал» және «Еуразия» кафелерінде бірқатар шектеу шараларының бұзылу деректері анықталып, карантин тәртібін бұзғандарға тиісті хаттамалар толтырылып, құжаттар аумақтық мемлекеттік органға жолданды. Барлық жеке кәсіпкерлерге карантин режимін сақтамағаны үшін заң бойынша жауапкершілік көзделгені түсіндірілді. Сондай-ақ, мобильді топ СЭС мамандарымен бірлесіп кезекті рейд жүргізіп тұрады.
Карантин тәртібі кезінде салынған тыйымға қарамастан, кейбір ойын-сауық мекемелері өз қызметін жүргізуден бас тартпай отыр. Мобильді топ өкілдері жекеменшік нысанға кіріп, бұзушылықтарды дер кезінде тіркей алмайды. Өйткені нысан өз қызметін «жабық есік» жағдайында жүзеге асырады.
Облыс әкімі мониторинг топтарының жұмысын сынға алып, рейд шараларын барынша күшейтуді тапсырды. Бұл жұмыстарға «Нұр Отан» партиясын, мәслихат депутаттарын, полиция қызметкерлері, құқық қорғау органдарына тапсырма берді. Алайда, індеттің өршіп тұрғанына қарамастан жүзге жуық адам жинап, той жасап жатқандар кездеседі. Солардың бірі - қаладағы «Ақсұлу» мейрамханасы. Мобильді топты көрген той иесі мен нысан қожайыны есігін ашпаған соң, тойға келген қонақтар ішке кіре алмай, кейін қайтуға мәжбүр болды.
Өлкемізде коронавирус инфекциясын жұқтырғандар саны күннен-күнге көбеюде. Осыған орай облыста қалыптасқан эпидемиологиялық жағдайды ескеріп және КВИ-дің одан әрі таралуына жол бермеу мақсатында, дәрігерлердің нұсқауын орындап, мүмкіндігінше көпшілік шараларға қатысудан тыйылып, амалсыздан жақын-жуықтың намазына қатысқан жағдайда бетперде тағып, жеке бас гигиенасын сақтауға тиіспіз.
Елдің амандығы үшін баршаңызды санитарлық талаптарды қатаң сақтау, қалыптасқан жағдайға байланысты отбасылық мерекелерді кейінге қалдыру, той, садақаларды уақытша тоқтата тұрған жөн.
Осыған байланысты облыс әкімі Серікбай Трұмов «Түгел той-садақаны тоқтатыңыздар!» деп көпшілікке қатаң ескерту жасап, мониторинг топтарының жұмысын сынға алып рейд шараларын барынша күшейтуді тапсырды. Өлке басшысының ашынып айтқан сөзінен соң, жұртшылық шынында да, жан керек пе, әлде мал керек пе деп ойланатын-ақ шығар.
Үмiт ЖӘЛЕКЕ
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
