Бүгін облыста 642 оқушы ҰБТ тапсырды

Бүгін Маңғыстау облысында 642 оқушы Ұлттық бірыңғай тестілеуге қатысты. Білім сынағы 20 қаңтар мен 5 ақпан аралығында өтеді, - деп хабарлайды mangystaumedia.kz сайты.

Облыстық білім басқармасы баспасөз қызметінің айтуынша, оқушылар 45 аудиторияға бөлініп, 2 метр арақашықтықты сақтаған. Тестілеуге 8 оқушы келмеген, ал 4 оқушының ҰБТ тапсыруына рұқсат берілмеді.

Облыс бойынша 4 ҰБТ өткізу пункті белгіленген болатын. Атап айтқанда, Ақтау қаласы Есенов университеті базасында, Жаңаөзен қаласы № 19 орта мектеп базасында, Бейнеу ауданы Күйкен орта мектебінің базасында, Маңғыстау ауданы Б. Жұмалиев атындағы орта мектебі базасында орналасқан.

Еске сала кетейік, биыл оқу жылында 6 987 оқушы мектеп бітіреді. Соның ішінде 5 960 оқушы Ұлттық бірыңғай тестілеуге қатысуға өтініш білдірген болатын.

Жұлдызай ҚАЛИЕВА

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.