Алғаш рет "Транскаспийлік халықаралық көлік бағыты" Халықаралық қауымдастығы шеңберінде Түркиядан Қытайға жүк пойызы жөнелтілді. Бұл туралы mangystaumedia.kz сайты Маңғыстау облысы әкімдігінің баспасөз қызметіне сілтеме жасап хабарлайды.
Бұл салтанатты шара Еуропадан Азияға теміржол жолын ашуға мүмкіндік берді. Халық тұтынатын тауарлары бар 42 контейнер тиелген құрамның жүру маршрутының жалпы ұзақтығы 8693 шақырым (2 континент, 2 теңіз және бес ел) құрайды. Жүктің жалпы жүру уақыты - 12 күн. Соңғы баратын жері - Қытайдың Шанхай қаласы.
Жүк құрамы Ыстамбулдың еуропалық бөлігіндегі теміржол станциясынан басталды. Жер асты туннелі арқылы Босфор бұғазын кесіп өтіп, Анкараға келді, содан кейін Карс-Тбилиси-Бакудың жаңа көлік дәлізімен пойыз Баку портына жетті.
12 желтоқсанда "Бекет Ата" Казмортрансфлот фидерлік кемесімен Каспий теңізі арқылы жүк Ақтау портына жеткізілді.Содан кейін жүк құрамы Қазақстан Республикасының аумағы бойынша ұзындығы 3200 шақырым темір жолмен жүреді. Содан кейін Сиань арқылы Шанхайға жеткізілмек.
Бұл сапар Еуропа-Қытай транзиттік бағыты бойынша Алят портынан 100% жүкпен шыққан фидерлік кеме ретінде есте қалды. Бұл халықаралық көлік дәлізін дамытуға, клиенттер мен инвесторларды тартуға, маршрутқа қатысушы барлық елдердің инфрақұрылымын жақсартуға оң әсерін тигізеді.
Тасымалдау операторы - Транскаспийлік халықаралық көлік маршруты бойынша тасымалдауды жүзеге асыратын Транскаспий халықаралық көлік консорциумы. Ал, көлік қатынасының теңіз операторы "Казмортрансфлот" ҰТКҚК.
Былтыр 16 сәуірде "Ақтау – Алят (Баку) – Ақтау" бағыты бойынша контейнерлік фидерлік желі іске қосылды. Фидерлік желінің басталғаннан бері 20 000 бірлік контейнер тасымалданды.
Айта кету керек, тасымалданған контейнерлердің 70% Ақтау портынан Алят портына тасымалданды. Бұл бағыт Еуропадан Қытайға арпаратын ең қысқа жол. Осы жаңа көлік бағыты бойынша жүк тасымалдарына қатысу Қазақстан үшін транзиттік әлеуетін арттыруға мүмкіндік береді және ел экономикасының дамуына үлес қосады.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
