С.Қондыбай мұраларына арналған халықаралық конференция өтеді

Шара қазақ мифологиясын зерттеудің алғашқы іргетасын қалаған, дүниежүзілік мифологиялық мектептердің теориялық негіздерін жете білген, жаратылыстану және гуманитарлық ғылымдар саласындағы ой-тұжырымдары ерекше ғалымның  жылдығына орайластырылды. Мақсаты - біртуар тұлғаның шығармашылығын танып білу және оның отандық ғылымдағы орнын айқындау, Серікболды танудағы халықаралық деңгейдегі көзқарас. - Серікбол Қондыбай арамызда болса биыл 50 жасқа толар еді. Соған арналған шаралардың ең негізгісі – халықаралық деңгейдегі конференция. «Серікбол Қондыбай мұралары: әлемдік мифологияның дамуына жаңаша көзқарас» атауымен өтеді. Шара Yessenov University мен А. Байтұрсынов атындағы  тілі білімі институтынан ғылыми қолдау тауып отыр. Конференция жұмысына 10 мемлекеттен 14 ғалым, сонымен бірге отандық 14 ғалым ықыластарын білдіріп, қатысқалы отыр. Конференцияның негізгі жұмыстары ертең, 7 маусым күні Yessenov University-ден басталады. Сол жерде секциялық жұмыстар да, ғалымдардың негізгі жұмыстары да ұсынылады. Одан кейін Маңғыстаудың киелі орындары, оның ішінде Серікбол еңбектеріндегі мифтік көріністерді көру үшін Сұлтан үпі, Шақпақ ата мешіттеріне, Шетпедегі ғалымның мемориалдық мұражайына, ғалымның туған, жерленген орындарына ат басын тірейміз, - дейді облыстық мәдениет басқармасының басшысы Пәния Сармурзина. Конференцияға Америка Құрама Штаттары, Түркия, Ресей, Әзірбайжан, Түрікменстан, Қытай елдерінің ғалымдары қатыспақ. Олардың қатарында мифология, философия, тарих, этнология, археология салалары мамандары және музей зерттеуші орталығының арнайы шақырылған өкілдері бар. ТАҒЫ ОҚЫҢЫЗ: ЖИТС-тен қаза болғандарды еске алу күніне орай Ақтауда флешмоб өтті - Облыс әкімдігінің, мәдениет басқармасы бұл конференцияға үлкен сенім артып отыр. Өзінің 36 жылдық ғұмырында артына 16 томдық көлемді еңбек қалдырып кеткен тұлғаның әлі де ашылатын қырлары, ғылымға енгізетін жаңалықтары көп еді. Сондықтан өңірімізге келіп жатқан ғалымдардан үмітіміз зор және алғысымызды білдіреміз, - дейді басқарма басшысы. Зерттеушінің  жылдығы қарсаңында үш тілде «Рух жауынгері» атты деректі фильм дайындалып, «Байырғы қазақ дүниетанымының негіздері» энциклопедиялық жинақ жарық көрген. Сондай-ақ ұйымдастырушылар ғалымдардың араласуымен Серікбол шығармаларындағы мифтік кейіпкерлеріне арналған мультипликациялық фильмдер, комикстер жасақталып жатқанын жеткізді. Халықаралық конференцияның ашылу рәсімі бүгін Н.Жантөрин атындағы облыстық драма театрында өтеді.

Теңге БЕКМҰРЗАЕВА