Түпқараған ауданында 1000 тоннаға жуық қысқы шөп қоры жасақталған. Аталған жұмыстар әлі де жалғасып жатыр. Бұл туралы Қоғамдық коммуникация орталығында өткен брифингте Түпқараған ауданының әкімі Айбек Қосуақов мәлімдеді, - деп хабарлайды mangystaumedia.kz сайты.
Ауданды шөппен қамтамасыз етуді тиімді ұйымдастыру мақсатында аудан әкімдігі елді-мекендердің орналасуына қарай 4 оператор тағайындаған. Атап айтқанда, Форт-Шевченко қаласы мен Баутин ауылдары үшін ЖК «Қыдыр Қанат», Ақшұқыр және Сайын Шапағатов ауылына «Байболат» ШҚ, Қызылөзен және Таушық ауылдарына «Досанова К.Д.» ЖК мен «Рысбай Ерлан» ЖК операторы жауапты.
«1 қазанда Форт-Шевченко қаласы мен Баутин ауылындағы ЖК «Қыдыр Қанат» базасында 1 400 орама және 14 000 түк шөп бар. Ақшұқыр ауылында оператор «Байболат» ШҚ базасында 5 200 түк және 84 орама сақтаулы тұр. Таушық пен Қызылөзен ауылдарына оператор ЖК «Досанова» 1 550 түк, 378 орама шөп әкелді. Ал Ақшұқыр ауылындағы ЖК «Рысбай Е» базасында 1 000 түк пен 156 орама шөп дайын», - деді Айбек Қосуақов.
Жоспарға сәйкес Түпқараған ауданын қысқа мал азығымен қамту үшін 7 314 тонна жем қажет. Оның 3160,8 тоннасы ауданға жеткізілген.
««Казимпекс-Ақтау» қорының қолдауымен ауданға 2 вагон 2 705 қап 3-4 сортты бидай бөлінді. Жем 3 оператор арқылы тиісті елді-мекендерге жеткізіліп, оның бір келісін 110 теңгеден сату жұмыстары ұйымдастырылды. Сондай-ақ 1 вагон 2 900 қап кебек әкелінді, оның 1 келісі 88 теңгеден сатылды. Ауданды жеммен қамтамасыз ету мақсатында барлығы 3 оператор тағайындалды. «Сауқымбек» ЖШС 44,8 млн теңге, «Қарағантүбек» ЖШС 50 млн теңге және «Күзембаев Аманғали» ШҚ 15 млн теңге несие алып, осы бағытта қызмет атқарды», - деді Түпқараған ауданы әкімі Айбек Қосуақов.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
