Армрестлинг: Маңғыстаулық спортшы әлем чемпионатынан күміс жүлде алды

Румынияда өткен армрестлингтен Әлем чемпионатында маңғыстаулық Гаухар Жанғазы күміс жүлдеге ие болды, - деп хабарлайды mangystaumedia.kz сайты.

25 қараша күні басталған жарыс бүгін аяқталды. Әлем чемпионатына 44 елден келген спортшылар қатысты.

Нәтижесінде, Гаухар Жанғазы 45 келі салмақта сынға түсіп, оң қолдан 2-орын, сол қолдан 3-орынды еншіледі. Жаттықтырушысы – Мұстафа Нарынбаев.

Біз бұған дейін қарақиялық спортшы Гаухар Жанғазының әлем чемпионатына қатысатынын жазған болатынбыз. Ол Құрықта №6 мектепте 9-сынып оқиды. Осы уақытқа дейін бірнеше жарыстарда ел намысын қорғап, жетістіктерге жеткен.

Жұлдызай ҚАЛИЕВА

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.