Басқұдық ауылында "Денсаулық фестивалі-2018" шарасы өтті

©

Басқұдық селолық округінде "Мұхамбет" медицина орталығының қолдауымен "Денсаулық фестивалі-2018" шарасы өткізілді.

Әкімдіктің ұйымдастыруымен өткен фестивальдің мақсаты – тұрғындардың салауатты өмір салтын қалыптастыруына ықпал жасап, уақытылы тексеруден өтіп, денсаулығын күтуін қамтамасыз ету.

- Басты байлық денсаулықты сақтаудың негізі - аурудың алдын алу, өз денсаулығына жауапкершілікпен қарау. Мемлекеттік бағдарлама аясында жүргізіліп жатырған скринингтен өту, дәрігерлер мен медицина қызметкерлерінің тағайындауларын бұлжытпай орындау. Осыған орай, скринингтік тексерілудің маңыздылығын жеткізу үшін бүгін бойыңызды, салмағыңызды, қан қысымыңызды, қан құрамындағы қант мөлшерін анықтап, жүректі ЭКГ түсіріп, көзіңіздің қырағылығын анықтау үшін, жалпы тәжірибелі дәрігер, невропатолог, дерматолог, аллерголог мамандары кеңес беру үшін жылжымалы медициналық қызметін ұйымдастырып отырмыз, - дейді "Мұхамбет" медицина орталығының бас дәрігері Ұлжан Сарсенова.

Сонымен қатар, фестиваль аясында "Мұхамбет" медицина орталығына тіркелгендер үшін УДЗ-ге тегін жолдама, дәріханаға 5% пайыздық жеңілдік, тонометр, электронды термометр тігілген ұтыс ойнатылды.

Фестивальді көруге келген балаларға да қызықты, танымдық "Таза қол" акциясы да ұйымдастырылды. Акцияға қатысқан балаларға медицина маманы қол жуудың тәртібі мен маңыздылығын түсіндіріп, қатысушыларға ылғалды майлықтар таратып берді.

100 ден аса тұрғындардың бойы мен салмағы, қан қысымы, 68 адамның қан құрамындағы қант тексеріліп, 19 тұрғын ЭКГ түсіріліп, 32 адам көзінің қырағылығын тексертті.

Сондай-ақ фестивальге маңғыстаулық спортшы, джиу-джитсудан Әлем және Азия ойындарының чемпионы Дархан Нортаев қатысып, көпшілікпен естелік фотоға түсіп, спортпен айналысуға шақырды.

Айта кетейік, алдағы уақытта Басқұдық селосының Алау, Самал көшелерінің тұрғындарына қол жетімді, тегін медициналық қызмет көрсету үшін осы орналасқан жылжымалы медициналық кешен ішінде жалпы тәжірибелі дәрігердің қабылдауы ұйымдастырылмақ.

Теңге БЕКМҰРЗАЕВА Суреттерді түсірген Ақерке ГАГАРИНҚЫЗЫ

          

[gallery td_select_gallery_slide="slide" ids="61142,61141,61140,61139,61138"]