Маңғыстау облыстық стоматология орталығы заманауи құрал-жабдықтармен қамтылды

Мекемеге «МАЕРС» компаниясы арқылы «GALLILEOS» рентген аппараты әкелінді. Сондай-ақ, стоматологиялық қондырғылар заманауи құрал-жабдықтармен қамтылып 5 компрессор, 5 аппликатор, 15 рецикулятор аппараты алынды, деп хабарлайды mangystaumedia.kz облыстық ҚКО-ға сілтеме жасап.

Стоматология орталығындағы 4 бөлімшеде тұрғындарға тегін және ақылы қызмет көрсетіледі. Емхана білікті мамандармен қамтылған.

- Орталық ауысым бойынша 160 келушіге арналған. Мұнда бюджеттік терапиялық, ақылы терапиялық, хирургиялық және тіс техниктеріне арналған лабораториясы бар ортодонтиялық ортопедия бөлімдері жұмыс істейді. Тіске қатысты емнің барлық түрі жүргізіледі , - деді Қуат Машырықов.

Спикердің айтуынша, стоматологиялық орталықта 50 дәрігер, 47 орта медицина қызметкері бар. Дәрігерлермен 100%, орта буын қызметкерлерімен 92,5%, кіші буын қызметкерлерімен 100% қамтылған. Жыл сайын телемедицина қондырғысы арқылы републиканың білікті мамандарымен телекеңестер жүргізіледі.

Айта кетейік, орталықта «Пациенттерді қолдау» және «Ішкі аудит» сall-орталығы жұмыс істейді. 8 (7292) 308441, 87084305441, 8 7292 500788 нөмірлері арқылы тіс емдеуге қатысты сұрақтарыңызды қоюға болады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.