Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Бүгінгі күні мемлекеттік органдар үшін халықтың, қоғамның шынайы сеніміне ие болудан артық мәртебе жоқ. Сондықтан, сыбайлас жемқорлыққа қарсы күрес - еліміздің саясатының басты бағыттарының бірі.
Жемқорлықпен күреске елімізде тиісті түрде көңіл бөлініп, Қазақстан Республикасының заңнамалық актілерімен реттеледі. Жемқорлықпен күресті жүзеге асыруға көптеген іс-шаралар бекітіліп, құжаттар қабылданған. Солардың ішінде, жемқорлықпен күрес саласының негізін қалаушы Заң - азаматтардың бостандығы мен құқықтарын қорғауға, Қазақстан Республикасының ұлттық қауіпсіздігін жемқорлықтан туындайтын қауіптен сақтауға, мемлекеттік органдар мен мемлекеттік функцияларды атқаратын лауазымды және басқа да тұлғалардың тиімді жұмыстарын қамтамасыз етуге бағытталған.
Қазақстан Республикасының 2015 жылғы 15 қарашада қабылданған «Сыбайлас жемқорлыққа қарсы іс-қимыл туралы» Заңы сыбайлас жемқорлыққа қарсы іс-қимылды, олардың негізгі қағидаттарын, мақсаты мен міндеттері, сыбайлас жемқорлық тәуекелдерін, сыбайлас жемқорлыққа қарсы стандарттар мен шектеулерді айқындайды.
Сыбайлас жемқорлыққа қарсы іс-қимыл – сыбайлас жемқорлыққа қарсы іс-қимыл субъектілерінің өз өкілеттіктері шегіндегі сыбайлас жемқорлықтың алдын алу, оның ішінде, қоғамда сыбайлас жемқорлыққа қарсы мәдениетті қалыптастыру, сыбайлас жемқорлық құқық бұзушылықтарды жасауға ықпал ететін себептер мен жағдайларды анықтау және жою жөніндегі, сондай-ақ сыбайлас жемқорлық құқық бұзушылықтарды анықтау, жолын кесу, ашу және тергеп-тексеру және олардың салдарларын жою жөніндегі қызмет.
Қазіргі уақытта «Сыбайлас жемқорлыққа қарсы іс-қимыл туралы» Заң талаптарының аясында жемқорлыққа қарсы іс-әрекеттер әр салаларда жүзеге асырылуда.
Маңғыстау облысы бойынша қазынашылық Департаментінде сыбайлас жемқорлықтың алдын алу бойынша жұмыстары жүйелі түрде жүргізіліп келеді. Ұжымда жемқорлықтың алдын алу Қазақстан Республикасының мемлекеттік қызметшілерінің Әдеп кодексі бойынша оқулар мен семинарлар ұйымдастырылады.
Ұжымдағы әрбір қызметкер сыбайлас жемқорлықпен күрестің азаматтық борышы екенін жақсы түсінеді.
Маңғыстау облысы бойынша
қазынашылық департаменті
басшысының орынбасары
Ж.Бердиева
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.