Маңғыстауда 400 мыңға жуық адам екпе алды

Бұл туралы қоғамдық коммуникация орталығында өткен брифингте Маңғыстау облысы санитариялық-эпидемиологиялық бақылау департаментінің бас маманы Мадина Рахметова хабарлады.

- Облыс көлемінде 2021 жылдың 3 ақпаннан 2022 жылдың 28 ақпан аралығында 1 компонентімен 208 089 адам, 2 компонентімен 192 062 адам екпемен қамтылды. Тұрғындар оның ішінде Гам Ковид Вак (Спутник V), КазВак, КороноВак, VeroCell –мен егілген, - деді Мадина Рахметова.

«Комирнати» вакцинасының 1-ші компонентімен - 11 604 адам егілді. Оның ішінде 12-17 жастағы жасөспірімдер – 6 316, бала емізетін әйелдер – 3 672, жүкті әйелдер – 1 615, тағы басқалары – 1. 2-ші компонентімен – 7 655 адам егілді, оның ішінде 12-17 жастағы жасөспірімдер – 4 378, бала емізетін әйелдер – 2 250, жүкті әйелдер – 1026, вахтыда жұмыс жасайтындар – 1.

Маңғыстау облысы бойынша ревакцинациямен – 33 541 адам егілді. Облыс аймағына 2000 доза көлемінде Спутник Лайт(Sputnik Light) вакцинасының алғашқы партиясы ағымдағы жылдың 24 қаңтарында жеткізілді.

Өткен тәулікте облыс бойынша коронавирус инфекциясы тіркелмеді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.