_QyLHVK75JFCgXfhS85eNMmPd95Cg1V.jpeg)
Жастайынан өнерге қызығушылық танытқан жас кәсіпкер Нұрсейіт Өркен зергерлік бұйымдар жасаумен айналысады. Оның айтуынша 2019 жылы «Бизнестің жол картасы-2020» мемлекеттік бағдарламасы аясында конкурсқа қатысып, 2,5 млн.теңге көлемінде грант ұтқан. Қаражатқа құрал-жабдық сатып алып, зергерлік бұйымдар өндірумен айналысады. Бұл туралы mangystaumedia.kz сайты Мұнайлы ауданы әкімдігінің баспасөз қызметіне сілтеме жасап хабарлайды.
«Мектеп оқып жүрген кезден бастап ағаш пен ермексаздан мүсіндер жасауды ұнаттым. О. Таңсықбаев атындағы Алматы сәнді-қолданбалы өнер колледжіне түсіп, көркемдеп металл өңдеуші мамандығын және Абай атындағы институтта бейнелеу өнері және сурет салу факультетінде оқып бітірдім. Оқуымды аяқтаған соң Алматы қаласында кішігірім цехта зергердің көмекшісі болып жұмыс жасадым. 2018 жылы Ақтау қаласында зергер-жөндеуші, «3d lab.kz» компаниясында сәнгер-дизайнер болып қызмет атқардым»,- деді жас кәсіпкер.
Нұрсейіт Өркен бүгінде әр түрлі металлдан сырға, сақина, алқа, монеталар жасайды. Жас кәсіпкердің айтуынша Ресей, Украина еліндегі зергерлердің тапсырысы бойынша 3д модельде жасаған жұмыстары да бар.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
