Баяндыда су қондырғысы қолданысқа беріледі

Мұнайлы ауданына қарасты Баянды ауылында қуаттылығы тәулігіне 3,5 мың текше метрді құрайтын су қондырғысы қолданысқа беріледі. Бұл туралы Қоғамдық коммуникация орталығында өткен брифингте Маңғыстау облысы энергетика және тұрғын-үй коммуналдық шаруашылығы басқармасының басшысы Бердібек Қартбаев айтты, деп хабарлайды mangystaumedia.kz.

Оның айтуынша, қазір монтаждау жұмыстары жүргізіліп отыр. Маусым айының соңында қондырғы іске қосылады деп жоспарланып отыр.

«Былтыр Мұнайлы ауданының тұрғындары тәулігіне 14 мың текше метр суды қолданса, биылдан бастап тәулігіне суды 17,5-18 мың текше метр беріледі. Жаңа қондырғы Мұнайлы ауданындағы су тапшылығы мәселесін шешуге көмектеседі. Сондай-ақ, Ақшұқыр елдімекенінде де су тұщытатын 2 қондырғыны орнаттық. Ауыл тұрғындары бұрын-сонды суды тек «МАЭК-Қазатомөнеркәсіп» ЖШС-нен алды. Енді ауыз су жаңа қондырғылар арқылы да берілетін болады», - деді Бердібек Қартбаев.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.