Биыл Мұнайлыда 4 048 бала бірінші сыныпқа барады

Бұл туралы Мұнайлы ауданы білім бөлімінің басшысы Батырбек Демократұлы мәлім етті, деп хабарлайды mangystaumedia.kz.

Оның айтуынша, ауданда 16 орта білім беру мекемесі бар. Оның біреуі - лицей, біреуі - гимназия және тағы біреуі - кешкі мектеп.

“Ауданда білім саласының жаңа оқу жылына дайындығы қарқынды жүріп жатыр. Жаңа оқу жылында 0-11 сынып аралығындағы 36 125 оқушы оқиды. Оның ішінде бірінші сыныпқа 4 048 оқушы барады. Жоспарды 100,7 %-ға асыра орындадық”, - деді Б. Демократұлы.

Айта кетейік, барлық мектепте құжат қағаз жүзінде және “Egov.kz” электронды үкімет порталы арқылы қабылданған. 3 834 өтініш электронды түрде қабылданып, 40 өтініш түрлі себептерге байланысты кері қайтарылған. 214 өтініш қағаз жүзінде берілді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.