Ақтауда қызын зорлады деп айыпталған ер адам ақталды

Өткен жылдың желтоқсан айында Маңғыстау облысының қылмыстық істер жөніндегі мамандандырылған ауданаралық соты кәмелетке толмаған баланы зорлағаны үшін (ҚК-нің 124-бабының 2-бөлігі, 120-бабының 4-бөлігі) У.-ға қатысты қылмыстық істі қараған болатын. Сот айыпталушыны кінәсіз деп тауып, апелляциялық шағымды өзгеріссіз қалдырды, деп хабарлайды mangystaumedia.kz облыстық сотқа сілтеме жасап.

Тергеу У.-ды 2016-2021 жылдар аралығында кәмелетке толмаған қызын бірнеше рет зорлаған деп айыптаған болатын.

Прокурор мен кәмелетке толмаған жәбірленушінің заңды өкілі сотталушыны кінәлі деп танып, 25 жылға бас бостандығынан айыруды сұрады. Сондай-ақ олар сотталушыдан моральдық шығын ретінде 30 миллион теңге өндіруді сұрады.

Адвокаттар мен сотталушы У.-ның өзі кінәсі дәлелденбегенін көрсете отырып, соттан кінәсіз деп танылған үкім шығаруды сұрады.

Сот У-дың кінәсі дәлелденбегендіктен ақтау үкімін шығарды.

«Сонымен, сот талқылауы кезінде сотталушының кінәсі расталмады, заңды өкілдің, кәмелетке толмаған жәбірленушінің, сондай-ақ кәмелетке толмаған куәнің айғақтары іс бойынша жиналған дәлелдемелермен, атап айтқанда сот-медициналық сараптамасының қорытындысымен жоққа шығарылады.

Ақталғандарға заңсыз қудалау салдарынан келтірілген зиянды өтеу құқығы түсіндірілді.

Сондай-ақ сот Маңғыстау облысының прокурорына сотқа дейінгі тергеп-тексеру барысында жіберілген өрескел заң бұзушылықтар туралы жеке ұйғарым шығарды», - деді сот.

Жәбірленуші тарап апелляциялық шағым түсіргенімен, сот бірінші сатыдағы соттың шешімін өзгеріссіз қалдырды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.