Маңғыстауда қарттар күніне орай 16 мың зейнеткерге біржолғы әлеуметтік төлем беріледі

Облыс әкімдігінің телеграм каналына өңір тұрғыны 1-қазан күні халықаралық қарттар мерекесіне орай біржолғы әлеуметтік төлем туралы сұраған,-деп хабарлайды mangystaumedia.kz Қоғамдық коммуникация орталығына сілтеме жасап.

Тұрғын сауалына Маңғыстау облысының жұмыспен қамтуды үйлестіру және әлеуметтік бағдарламалар басқармасының басшысы Әсет Шопанов жауап берді.

- Маңғыстау облысы бойынша 1 қазан - халықаралық қарттар күніне орай 70 жастан асқан зейнеткерлерге 2 АЕК мөлшерінде біржолғы әлеуметтік төлем төленеді. Ағымдағы жылдың қазан айында облыс бойынша 70 жастан асқан 16 мыңнан астам зейнеткерге 101,1 млн теңгеден астам қаражат төлеу жоспарлануда. Сондай-ақ, 1-10 қазан аралығында қала тұрғындары мен кәсіпкерлердің қолдауымен «Қайырымдылық» акциясы ұйымдастырылып отыр, -деп жауап берді Әсет Шопанов.

- Мерекеге орай қарттарға 2 айлық есептік көрсеткіште біржолғы әлеуметтік төлем аударылатынын жеткізді. Қазіргі таңда телеграм каналға 11 913 адам тіркелген. Барлығы 13 252 сұрақ келіп түссе соның 13 238-не жауап берілді, дейді дейді МО ӘА «Қоғамдық коммуникация орталығы» КММ БАҚ жұмыс бөлімінің маманы Меруерт Миралиева.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.