Маңғыстаулық спортшылар Еуропа кубогында топ жарды

Польша елінің Познан қаласында «Poznan Junior European Cup 2022» дзюдодан жастар арасында Еуропа кубогы өтті, деп хабарлайды mangystaumedia.kz.

Сәуірдің 23-24 күндері болған дзюдо додасына 17 мемлекеттен 300-ге тарта балуан қатысты.
Қазақстан құрамасынан сынға түскен маңғыстаулық Марханбетов Мерей «Алтын» алса, Жұбаткан Нұрсұлтан «Қола» жүлдеге ие болды.

- Жарысқа дайындық әдеттегідей оқу-жаттығу жиындарымен өтті. Әрбір сайыстың өз ерекшелігі болады, бұл жолы да жақсы сәттермен есте қалды. Жарысты жарақатсыз, сәтті аяқтадым. Енді Әлем біріншілігіне дайындалып, көк туымызды желбіретуге күш саламын, - дейді Мерей Марханбетов.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.