Маңғыстау облысының аумағында карантиндік шектеу шаралары жеңілдетіледі

© Талант ҚҰСАЙЫН

Маңғыстау облысының аумағында карантиндік шектеу шараларын жеңілдету туралы Маңғыстау облысының бас мемлекеттік санитариялық дәрігері Ғазиз Надуевтің жаңа қаулысы шықты. Қаулы 2021 жылғы 17 мамырдың сағат 00:00-нен бастап күшіне енеді.

РҰҚСАТ ЕТІЛЕДІ:

1) күшейтілген санитариялық-дезинфекциялық режимді сақтай отырып, азық-түлік және азық-түлік емес ашық және жабық базарлардың, супермаркеттердің, гипермаркеттердің қызметіне;

2) күшейтілген санитариялық-дезинфекциялық режимді сақтай отырып, сауда және ойын-сауық орталықтарының, сауда үйлерінің, сауда желілерінің, спорт кешендерінің, спорттық-сауықтыру орталықтары және фитнес орталықтары, монша, йога-орталықтарын қоса алғанда қызметіне;

3) мемлекеттік органдар (ұйымдар), ұлттық компаниялар, бизнес-орталықтар және басқа да офистер қызметкерлерінің 30% - ын қашықтықтан жұмыс режиміне және 70%-ын күндізгі жұмыс режиміне ауыстыруға;

4) балалардың ойын-сауық орталықтары (ойын алаңдары, ашық және жабық үй-жайлардағы аттракциондар) толтырылуы 30% - дан артық емес, бірақ 50 адамнан аспайтын қызметіне;

5) күшейтілген санитариялық - дезинфекциялық режимді және шахматтық отырғызу тәртібі бойынша әлеуметтік арақашықтықты сақтай отырып, мәдени нысандардың, кітапханалардың, мұражайлардың қызметіне;

6) толымдылығын 30%-дан асырмай, күшейтілген санитариялық-дезинфекциялық режимді сақтай отырып, кинотеатрлардың, театрлардың, концерт залдарының,филармониялардың жұмысына;

7) толымдылығы 50 адамға дейін, күшейтілген санитариялық-дезинфекциялық режимді сақтай отырып, мәдениет объектілерінің қызметіне (репетицияға);

8) толымдылығын 30% - дан асырмай, бір адамға 4 шаршы метр алаңмен қамтамасыз етіп, бетперде режимін және әлеуметтік қашықтықты сақтай отырып діни объектілердің қызметіне;

9) толымдылығы 50%- ға дейін, бірақ 50 орыннан асырмай сағат 07:00-ден 02:00-ге дейін күшейтілген санитариялық-дезинфекциялық режимді сақтай отырып, мейрамхана, дәмхана және кофехана типі бойынша қоғамдық тамақтану объектілерінің (үй-жайдағы) қызметіне;

10) толымдылығы 30% - дан артық емес, бірақ 50 адамнан асырмай, ас беруді өткізу үшін ғана жұмыс істеугебанкет залдарының қызметіне;

11) асханалар типі бойынша қоғамдық тамақтану объектілерінің қызметіне (тәулік бойы);

12) күшейтілген санитариялық-дезинфекциялық режимді сақтай отырып, жазғы алаңдардың қызметіне сағат 07:00-ден 02:00-ге дейін;

13) күшейтілген санитариялық-дезинфекциялық режимді сақтай отырып, стрит-фудтардың (жеке тұрған шатыр/ларек/отыратын орны жоқ дүңгіршек) қызметіне;

14) толтырылуы 30%-дан артық емес бильярд, боулинг, компьютерлік клубтардың қызметіне.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.