Маңғыстау облысының кәсіпкерлер палатасында кәсіпкерлердің құқығын қорғау және сыбайлас жемқорлыққа қарсы іс-қимыл кеңесінің кезекті отырысы өтті, - деп хабарлайды mangystaumedia.kz Маңғыстау облысы бойынша Сыбайлас жемқорлыққа қарсы қызмет департаментіне сілтеме жасап.
Кеңес отырысына Маңғыстау облысы бойынша Сыбайлас жемқорлыққа қарсы қызмет департаментінің Басқарма басшысы – аталған Кеңестің мүшесі Қ.О.Байгебаев, Кеңес төрағасы Ә.З.Жанаев пен мүшелері Х.М.Измаилов, Ж.А.Ахметова, Ж.Маршакұлы, Н.М.Калишева, Ақтау және Мұнайлы ауданы прокуратурасының өкілдері қатысты.
Күн тәртібіне сәйкес, прокуратура органдарымен кәсіпкерлікті дамытудағы және олардың мүдделерін қорғаудағы атқарған жұмыстары туралы, жер учаскесінің нысаналы мақсатын өзгерту кезінде орын алған әкімшілік кедергілер жөнінде мәселелер қаралды.
Жиын барысында квазимемлекеттік секторлар мен оған жатпайтын кәсіпкерлік субъектілерінде комплаенс қызметін енгізу, лауазымды тұлғалар тарапынан бизнеске әкімшілік кедергілер келтіру және осындай әркеттердің орын алуы сыбайлас жемқорлық тәуекелдеріне алып келетіні, сонымен бірге сыбайлас жемқорлық қылмысы үшін қолданылатын жазаның күшейтілгені де сөз болды.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
