Маңғыстаулық бір топ оқушы Х Наурыз кездесулерінде роботтарды 3D-принтерде модельдеп, оны басып шығаруды үйренді. Жоба «Назарбаев Зияткерлік мектептері» ДББҰ ұйымдастырды. Дәстүрлі шара биыл «Планета және пластик: адамзат өркениеті» тақырыбында өтті.
«Биыл Наурыз кездесулері карантин талаптарына байланысты онлайн ұйымдастырылды. Қатысушылар санын ұлғайтуға мүмкіндік берді. Өзге жылдардан айырмашылығы биыл шараға облыстағы жалпы білім беру мектептерінің оқушыларын қатыстырып, олардың қабілеттерін шыңдауға күш салуы», - дейді мектеп директорының орынбасары Лаура Байтокаева.
Кездесу барысында оқушылар танымал экология саласында еңбек етіп жүрген танымал профессор, қайраткерлермен бірге өткен вебинарларға қатысып, модельдеу бағдарламаларын меңгерді. Ал кездесудің үшінші күні 3D принтермен жұмыс істеуді үйреніп, қоқыс сорттаушы манипулятор жасап шығарды.
_sWQpeYRJT8EG5OpdN5lazxAgO1C3iP.jpg)
«Қазіргі таңда пластикті сорттау мәселесі өте өзекті орында екендігін Наурыз кездесулерінен білдім. Себебі біздерге дәріс өткізген қайраткерлер көптеген пайдалы мәліметтермен бөлісіп, SolidWorks бағдарламасында модельдеуді үйретті. Осындай мол пайдалы мәліметті терең әрі тегін меңгеру мүмкіндігі қуантады», - дейді шараға қатысқан Мұнайлы ауданындағы №5 орта мектебінің оқушысы Ақтолқын Елдашбекова.
Оқушылар манипуляторға қажетті жабдықтарды толықтай 3D принтерде басып шығарып оны Arduino платформасында бағдарламалады.
«Кездесудің үшінші күні ерекше қызықты болды. Өйткені біз теориялық түрде бағдарламаған жұмысымызды іс жүзінде жасап көрдік. Нәтижесінде манипуляторымызды іске қостық. Бізге көмектескен зияткерлік мектеп ұстаздарына алғыс білдіреміз», - дейді зияткерлік мектептің оқушысы Рахат Абатов.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
