Бүгін Маңғыстау облысы әкімдігінің қызметкерлері қазақтың ұлттық киімі күнін атап өтуді, - деп хабарлайды mangystaumedia.kz.
ҚР Президенті Қасым-Жомарт Кемелұлы Тоқаевтың «Тәуелсіздік – бәрінен қымбат» мақаласында айтылған Наурыз мейрамын атап өту тұжырымдамасын әзірлеу және көктем мерекесінің мазмұнын байыту туралы тапсырмасына сәйкес, биылғы жылы Маңғыстау облысында Наурыз мерекесін атап өтудің бір айлық жоспары жасалып, тұжырымдамасы бекітілді. Облыстық тұжырымдамаға сәйкес 4 наурыз Қазақтың ұлттық киімі күні болып бекітілді.
Осы күнді ерекше мерекеге айналдыру үшін облыс әкімдігінің қызметкерлері жұмысқа ұлттық киіммен келуді бастады. Наурыз айы жақсылықтың бастамасы деп білетін қызметкерлер Амал мерекесіне дайындық осы күннен басталатынын айтады.
Биыл 4 наурыз қазақтың ұлттық киімдер күні деп белгіленді. Соған байланысты облыс әкімі аппаратының қызметкерлері өздерінің ұлттық киімдерін киіп келіп, осы мерекеге атсалысып, үлес қосып жатыр. Бүгін ерекше күн. Барлығы керемет көңіл-күйде деп ойлаймын, - деді Маңғыстау облысының әкімі аппаратының құжаттамалық қамтамасыз ету және бақылау бөлімінің басшысы Айнагүл Рүстемова.
Ата-бабамыздың ежелден келе жатқан салтын сақтап, болашақ ұрпаққа жеткізу біздің мақсат. Бүгінгі ұрпақ өзінің ұлттық құндылығын жоғалтпау керек. Бүгінгі іс-шараға қатысып отырғаныма өте қуаныштымын. Ұйымдастырушыларға алғыс айтамын, - дейді Маңғыстау облыстық инвестиция және туризм басқармасының мониторинг бөлімінің қызметкері Мөлдір Сүлейменова.
Маңғыстау облысының әкімдігі ұлттық киімдер күнін атап өтуді өзге өңірлерге жолдайды.
Махаббат НҰРЖАНҚЫЗЫ
Суреттерді түсірген Серік МАЙЕМЕРОВ
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
