Түзеу мекемесінде қызметкерлердің балаларына сайыс өткізілді

ГМ 172/6 түзеу мекемесінде мекеме қызметкерлерінің балалары арасында Отан қорғаушылар күні мен Жеңістің 76 жылдығының аясында сайыс өтті, - деп хабарлайды mangystaumedia.kz.

«Соғыссыз әлем!» және «Әлемді сақтаңыз!» деп аталған сайыс сурет салу мен өлең оқу бойынша өтті. Қазылар алқасы алдын ала дайындалған суреттерді бағалап, бүлдіршіндердің сахнада оқыған өлеңдеріне тәнті болды.

Сайыстан бөлек, мекеме қызметкерлерінің өнерлі балалары бірінен соң бірі ән айтып, би билеп мерекелік көңіл-күй қалыптастырды. Сайысқа қатысқан барлық балаға марапат беріліп, арнайы дайындалған сыйлық та үлестірілді.

Отан қорғаушылар күні мен Жеңістің 76 жылдығына арналған сайысымызды өскелең ұрпақ жеңісті күнді ұлықтасын деп ұйымдастырдық. Сайысқа түскен бүлдіршіндерге табыс тілеймін, - деді ГМ 172/6 түзеу мекемесі басшысының орынбасары Азат Садуов.

Махаббат Нұржанқызы

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.