Ақтау қаласы аумағында 81 қоқыс алаңы анықталды

"Қазақстан ғарыш сапары" ұлттық компаниясының мәліметінше Ақтау қаласы аумағында 81 қоқыс алаңы анықталған. Бұл туралы mangystaumedia.kz сайты Ақтау қаласы әкімдігінің баспасөз қызметіне сілтеме жасай отырып хабарлайды. Қала әкімдігімен шашылып жатқан жабайы қоқыс алаңдары тазаланғанымен,құрылыс салушы компаниялар мен пәтерлеріне жөндеу жүргізіп жатқан қала тұрғындары үйреншікті әдетпен тазартылған аумаққа қайта қоқыс төгіп, ластауда. Әсіресе бұл жағдай жаңадан бой көтеріп жатқан шағын аудандарда белең алып барады.Бүгін құрылыс компаниялардың көмегімен 16 шағын ауданда шашылып жатқан құрылыс қалдықтарын тазалау жұмыстары бастады. Осы орайда, қала әкімдігі тұрғындарды қоршаған ортаны ластамай, құрылыс қалдықтарды арнайы төгетін орынға апарып төгуді сұрайды. Алдағы уақытта рұқсат етілмеген жерге құрылыс қалдықтарын төккен компаниялар (заңды тұлғалар) көлігін немесе жеке тұлғаларды (азамат,азаматша) көрсеңіздер суретке түсіріп, қала әкімдігінің 87054574307 вацап нөміріне жолдауларыңызды сұраймыз. Анықталған тұлғалар айыппұлмен қоса бұқаралық ақпарат құралдарында жарияланатын болады. Оқи отырыңыз: Маңғыстаулық спортшылар самбодан ҚР чемпионы атанды