Сенбілікте бейнеуліктер мыңнан аса көшет отырғызды
[ 2019 ] 9 сәуір, 10:11 | Жаңалықтар
Көктем келісімен берекелі Бейнеу өңірінде тазалыққа көңіл бөлініп, санитарлық тазалық, көркейту, көгалдандыру жұмыстары қарқынды жүргізілуде. Бейнеу ауданында 2019 жылдың 15 наурызы мен 30 сәуірі күндері аралығында аудан елді мекендерінің аумақтарын көгалдандыру, абаттандыру және санитарлық тазарту іс - шаралар жоспары бекітілген болатын. Осы жоспарға сәйкес, әр аптаның сенбі күні барлық мекеме, кәсіпорын, білім беру ұйымдарының қызметкерлерінің қатысуымен сенбілік жұмыстары өткізіліп келеді.
Сенбілік жұмыстарының барысында 1500-ге жуық адам жұмылдырылып, 1300-ге жуық ағаш көшеті отырғызылды. Сондай-ақ сенбілікте әрбір ұжым бір кісідей жұмылып, белсене атсалысып келеді. Мекеме қызметкерлері өздеріне тиісті ғимараттарға ақтау, сырлау жұмыстарын жасап, ауласын тазалап, ағаш отырғызды. Алдағы уақытта да сенбілік жалғасын таба беретін болады.
Осындай ізгілікті шарадан аудан тұрғындары қалыс қалмай, ұйымшылдықпен қатысып, ауылымыздың тазалығына көңіл бөліп, өз үлесін қосса екен дейміз.
Үміт ҚАЗДАЕВА
1577
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
