Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
2022 жылдың 14 шілдесінен бастап Жаңаөзен қаласы әкімінің Өкімімен Қайнарбаев Жансейт Исаханұлы Жаңаөзен қаласы әкімінің тұрғын-үй коммуналдық шаруашылық, тұрғын-үй инспекциясы, жолаушылар көлігі және автомобиль жолдары және құрылыс мәселелері жөніндегі орынбасары болып тағайындалды, деп хабарлайды mangystaumedia.kz қала әкімдігінің баспасөз қызметіне сілтеме жасап.
Қайнарбаев Жансейт Исаханұлы - білімі жоғары, 2006 жылы Шахмардан Есенов атындағы Ақтау мемлекеттік университетін «тау инженері», 2010 жылы Шахмардан Есенов атындағы Каспий мемлекеттік технологиялар және инжиниринг университетін «экономика» мамандықтары бойынша тәмамдаған.
2006 - 2008 жылдар аралығында «Ақтау жолдары-07» жауапкершілігі шектеулі серіктестігінің шебері;
2008 - 2009 жылдар аралығында «Құлагер» жауапкершілігі шектеулі серіктестігінде бас механиктің орынбасары;
2009 - 2012 жылдар аралығында «Транс Сервис Сити Строй» жауапкершілігі шектеулі серіктестігінің басшысы;
2012 - 2014 жылдар аралығында «Тазалық» мемлекеттік коммуналдық кәсіпорнында бөлім басшысы;
2014 - 2015 жылдар аралығында «Коммуналдық қызмет» мемлекеттік коммуналдық кәсіпорнының басшысы;
2015 - 2016 жылдар аралығында «Түпқараған аудандық тұрғын-үй коммуналдық шаруашылығы, жолаушылар көлігі және автомобиль жолдары бөлімі» мемлекеттік мекемесінің басшысы қызметтерін атқарған.
2016 жылдың 22 желтоқсанынан бастап - 2022 жылдың 13 шілдесі аралығына дейін Түпқараған ауданы әкімінің орынбасары қызметін атқарды.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.