Ақтауда Азия және Океания чемпионаты аяқталды

Ақтауда алғаш рет өткен Азия және Океания чемпионаты аяқталды. Қазақстан құрамасы жастар мен жасөспірімдер арасында 1-орынды иеленді, деп хабарлайды mangystaumedia.kz сайты Қоғамдық коммуникация орталығына сілтеме жасап.

Бастапқы үш күнде жастар, жасөспірімдер арасында спортшылар бақ сынаған. Ал соңғы екі күнде спорт шеберлері күресті.

Чемпионатта Қазақстан құрама командасы жастар, жасөспірімдер арасында, спорт шеберлер арасында да 1-орынға ие болды. Маңғыстаулық спортшылар жастар, жасөспірімдер арасында 2 алтын, 2 күміс, 2 қоланы қанжығаға байлады. Осылайша, өңірлік спорт шеберлері тарихты жаңартып, 6 алтын, 4 күміс, 5 қола медальға ие болды.

- Чемпионат 5 күн бойы «Mangystau TV» ютуб каналында тікелей эфирден көрсетілді. Тікелей эфир адамдардың қызығушылығымен күніне 7400-ден астам қаралым жинап отырды. Сондай-ақ, тартысты доданың жаңалықтары самбо федерациясының ресми парақшаларында шығып, 1 млн-ға жуық қаралымдар жинады. Оқырмандар мен көрермендер чемпионат басталғаннан аяқталғанға дейін үзбей көріп, ой-пікірлерін білдірді, - деді ҚР самбо федерациясының бірінші вице-президенті Бисекенов Манарбек Жұбатқанұлы.

Еске салайық, жарысқа 27 мемлекеттен 500 спортшы қатысты, ал елден 96 спортшы бақ сынады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.