Испанияның Малага қаласында жастар арасында «Malaga Junior European Cup» турнирінде маңғыстаулық спортшысы Жантілек Нұртілепұлы 2-орынға ие болды, деп хабарлайды mangystaumedia.kz.
Облыстық дене шынықтыру және спорт басқармасының баспасөз қызметінің мәліметінше, Еуропа Кубогына 21 елден 350-ден аса спортшы қатысты. Бұл сында Қазақстан құрамасынан Жантілек Нұртілепұлы жеңіс тұғырынан көрініп отыр.
Спортшы ақтық сайысқа дейін 3 кездесу өткізіп, Әзірбайжан, Франция, Польша (Daniel Chamerski) елдерінің дзюдошыларынан басым түсті. Өкінішке қарай, шешуші сында әзірбайжандық спортшыға есе жіберіп, күміс жүлдеге ие болды.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
