Ақтауда NAIZA 64 турнирі өтеді

27 шілде күні сағат 18:00-де Rixos Water World Aktau-да қазақстандық жетекші NAIZA ММА-лигасы халықаралық NAIZA 64 турнирін өткізеді, - деп хабарлайды mangystaumedia.kz сайты.

Кеште жартылай жеңіл салмақтағы чемпиондық шайқас өтеді. Лига чемпионы Нұрбек Қабдрахманов (9-2, 6 SUB, 1 KO/TKO) бразилиялық азулы жауынгер Вандерлей «Мексикано»Левандовскимен (17-7, 8 SUB, 4 KO/TKO) беттеседі. Бұған дейін Вандерлей NAIZA-ның бірден екі салмақ дәрежесінің чемпионы атануға ниетті екенін мәлімдеген.

Ко-мейн ивент - минималды салмақтың белбеуі үшін жекпе-жек. Лига чемпионы Қазбек Сағын (5-0, 2 SUB, 2 KO/TKO) ең жеңіл салмақ дәрежесіне көтеріліп, белбеуді босатты. Вакантты титул үшін тарихтағы IMMAF тұжырымының ММА бойынша тұңғыш үш дүркін әлем чемпионы Бағдат Жұбаныш (4-1, 2 SUB, 1 KO/TKO) пен GAMMA тұжырымы бойынша әлем чемпионы Дооронбек Кылычбек уулу (4-0, 3 SUB) шайқасады.

Сонымен қатар негізгі кардта Еламан Шертаев пен (10-2, 3 SUB, 3 KO/TKO) бразилиялық нокаутшы Тарцизио “Педра” Гомес (10-5 2 SUB, 8 KO/TKO) шайқасады. Тарцизио қазақстандық көрермендерге Сәбит Жүсіповке қарсы өткізген жекпе-жегімен танымал. Сол айқаста Гомес қарсыласын 1-ші раундта нокаутқа жіберген болатын.

Қызу текетірес кешін жіберіп алмаңыз!

27 шілде, 18:00-де, Rixos Water World Aktau!

Байланыс:
Олжас Салыков
Mob/WhatsApp/Telegram: + 7 778 930 90 35
E-mail: osalykov@dar.io

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.