Маңғыстау облысының 2 спортшысы Таиланд мемлекетінің Бангкок қаласында оқушылар арасында өткен эстафеталық суда жүзуден Азия чемпионы атанды, - деп хабарлайды mangystaumedia.kz.
Суда жүзушілердің жаттықтырушылары – Қуантай Жарылғапов пен Арман Бишембаев. Бұл Маңғыстау тарихындағы алғашқы Азия чемпиондары. Жарысқа 14 мемлекеттен 600-ден астам спортшы қатысқан. Қазақстаннан 15 спортшы қатысқан. Рейтинг бойынша Қазақстан 4 орынға табан тіреді.
«Бұл – Маңғыстау облысы үшін тарихи сәт. Менің шәкірттерім Арман мен Қуантай Маңғыстау спортының тарихында суда жүзуден алғашқы Азия чемпиондарын тәрбиелеп шығарды. Бұл менің мектебім деп мақтанышпен айта аламын. Мен оларды мақтан тұтамын. Маңғыстау облысы бойынша дене шынықтыру және спорт басқармасының басшысы Мақсат Мұқашқа осындай адал жаттықтырушыларды қолдағаны үшін ерекше алғысымды білдіремін. Архимед айтпақшы, әр адам өз атына сай болған кезде ғана қоғам өсіп-өркендейді», - деді Сапар Бурамбаев фейсбук желісіне жариялаған жазбасында.
Ақмұрат Әбдінұр
2 - алтын
2 - күміс
1 - қола
Текебай Ақжол
1- алтын
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
