Маңғыстаулық велоспортшылар рейтингтік жарыста жүлдеге ие болды

Маңғыстаулық велоспортшылар халықаралық рейтингтік жарыста жүлделі орындарға қол жеткізді, деп хабарлайды mangystaumedia.kz облыстық спорт басқармасының баспасөз қызметіне сілтеме жасап.

Астанада 17-19 мамыр аралығында велотректен халықаралық «Silk way series Kazakhstan»-1 және «Silk way series Kazakhstan»-2 рейтингті жарыстары өтті. Жарысқа Қазақстан, Ресей, Өзбекстан, Әзірбайжан, Литва мемлекеттерінен 70-ке жуық спортшы қатысқан болатын.

Жерлестеріміз ұлттық құрама сапында өнер көрсетіп, 3 күміс, 3 қола жүлдеге иелік етті. «Silk way series Kazakhstan»-1 жарысында спринт , сондай-ақ, кейрин бағдарламасында Сергей Пономарёв 2-орын алды. Носков Дмитрий мэдисон бағдарламасы бойынша 3-орынға тұрақтады.

Ал «Silk way series Kazakhstan» -2 жарысында Сергей Пономарёв Олимпиадалық бағдарлама аясында спринт түрінен 2-орын, сонымен қатар кейрин түрінен 3-орын алды. Ал олимпиадалық бағдарлама аясында мэдисон жарысында сынға түскен Дмитрий Носков 3-орынға жайғасты.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.