Ақтауда жасөспірімдер арасында волейболдан облыстық ашық чемпионат өтті

Ақтау қаласындағы №21 орта мектепте Маңғыстау облысының 2003-2004 жылдары туған жасөспірімдері арасында волейболдан облыстық деңгейде ашық чемпионат өтті.

- Бұл жарыстың мақсаты — өскелең ұрпақты спортқа баулу екені баршаға белгілі, - дейді Маңғыстау облысының дене шынықтыру және спорт басқармасының басшысы Қ.Жұмабаев. - Дегенмен, осы жолғы көздегеніміз — алдағы Қазақстан чемпионатына іріктеу болатын. Сайысқа барлығы 9 қыздар командасы, яғни, Ақтау қаласынан №21, №13, Жаңаөзен қаласынан №15, №2, Қызылсай ауылы, Бейнеу, Маңғыстау, Мұнайлы аудандарынан қатысты. Олар өз күштерін ортаға салып, бағын сынады.

Өңірде ауа райының күрт бұзылуына қарамастан, облысымыздың шалғай елді мекендерінен командалар жиналып, тартысты өткен ойында ең мықты командалар анықталды. Волейбол добының додасын жеңіспен қорытындылаған Мұнайлы ауданының командасы ең үздік деп танылса, екінші жүлделі орынды Жаңаөзеннен келген ойыншылар еншіледі. Ал қола жүлдені қызылсайлық спортшылар қанжығасына байлады.

Валентина ҚОЗЫБАҚОВА

Маңғыстау Медиа

Редакциялық пікір мақала авторлары мен оқырмандардың пікірлерімен сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты / Мнение редакции может не совпадать с мнением авторов статей и читателей. Ответственность за достоверность изложенной в статьях и комментариях информации несут авторы.