Ақтауда ардагерлер арасында үстел теннисінен ҚР чемпионаты басталды
[ 2019 ] 21 маусым, 10:49 | Спорт
Бүгін 21 маусым күні Ақтау қаласында ардагерлер арасында үстел теннисінен ҚР чемпионатының ашылу салтанаты өтті. Оған Ресей, Өзбекстан елдерінен және елдің әр аймағынан 100-ге жуық теннисші келді. Чемпионатқа Маңғыстау облысынан 40 адам қатысып жатыр, - деп хабарлайды mangystaumedia.kz сайты.
Жарыс Ақтау қаласында үшінші рет ұйымдастырылып жатыр. Қатысушылар категорияға бөлініп, яғни 40-49 жас, 50-59 жас, 60-65 жас, 65-69 жас және 70-тен жоғары жас ерекшеліктері бойынша үстел теннисін ойнайды. Алаңда 9 үстел теннисі бар, бір мезетте 18 теннисші өз мүмкіндігін көрсетеді.
Ойын барысын Алматы қаласынан келген халықаралық деңгейдегі төреші Александр Перевалов бақылап, төрелік етуде.
Спорттық шара аясында МО спорт және дене шынықтыру басқармасы басшысының міндетін атқарушы Нұрлан Джалимов, МО бойынша үстел теннисі федерациясының бас демеушісі, «Актау BS строй» ЖШС директоры Сұңғат Мұналбаев және тәжік-ауған шекарасындағы әскери қимылдар мен қақтығыстарға қатысқан ардагер Мұрат Мұхамеджанов келіп, қатысушыларға сәттілік тіледі.
https://youtu.be/UGbvmyCNAzA
Маңғыстау облысы бойынша үстел теннисі федерациясының төрағасы Вячеслав Мусаевтың айтуынша, жарыс үш күнге жалғасады. Жеңімпаздар 23 маусым күні анықталады. Чемпионатта жеңіске жеткен қатысушылар дипломмен марапатталады және бағалы сыйлықтар, алтын медаль мен кубок беріледі.
Жұлдызай ҚАЛИЕВА
Суреттер мен видеоны түсірген Талант ҚҰСАЙЫН
[gallery td_select_gallery_slide="slide" ids="82019,82017,82016,82014,82013,82012,82018"]
1152
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
