Бейнеуде жасөспірімдер арасында таеквондодан ашық біріншілік өтті
[ 2019 ] 5 сәуір, 10:14 | Спорт
Бейнеу аудандық балалар-жасөспірімдер спорт мектебінің ұйымдастыруымен Бейнеу ауданында таеквондо (WT) спортының құрылуына 20 жыл толуына орай 2008-2009, 2010-2011 жылы туған жасөспірімдер арасында таеквондодан ашық біріншілік өтті. Жарыс Теннис корты залында өтті. Олимпиадалық таеквондо спортын насихаттау және дамыту, спортшылардың шеберліктерін шыңдай отырып, өзара достық қатынастарын арттыру, спортпен тұрақты айналысушылар арасынан үздік спортшыларды анықтау мақсатында өткен жарысқа жүз елуге жуық спортшы қатысты. Жарыстың ашылу салтанатында аудандық балалар-жасөспірімдер спорт мектебінің директоры Талған Есекенов сөз сөйлеп, қатысушыларға жеңіс тілеп, өз лебізін білдірді. Тартымды да тартысты өткен ашық біріншілікте төрешілер шешімі бойынша жетпіс бес жеңімпаз жүлделі орындарға ие болып, спорт мектебінің арнайы тағайындалған дәрежелі дипломдарымен және бағалы сыйлықтарымен марапатталды.
Үміт ҚАЗДАЕВА
803
Желіде бөлісу: Facebook Twitter ВКонтакте
WhatsApp Mail.ru Telegram
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
