Бейнеулік спортшылар марапатталды
[ 2019 ] 26 қараша, 09:13 | Қоғам
Бейнеу — өңірдің спорт саласында үздіктер қатарында. Жуырда жетістіктер әлемдік деңгейде жеңістерге қол жеткізген жас спортшылармен толықты.
Осы айда Әзербайжанның астанасы Бакуде өткен грэпплингтен әлем чемпионатында Бейнеудің ең жас спортшысы Нұрсәт Жұмәлі күміс медаль жүлдегері атанды. Италияның астанасы Рим қаласында 25 мемлекеттің спорт саңлақтары қатысқан дүбірлі додада панкратионнан 18-19 жас аралығындағы жастар арасында жерлесіміз Р
айыс Жеңісұлы алтын медальді иеленіп, әлем чемпионы атанды. Осы жарыста тағы екі ауылдасымыз Ернар Қайыржанұлы мен Нұрбол Құлжабаев жүлделі орындарды иеленді. Осындай толағай табыстармен оралған жас спортшыларды билік өкілдері, спорт мектебі мен оқу орындарының ұжымдары, ата-аналары мен достары Бейнеу вокзалында салтанатпен күтіп алды.
Әлемдік сайыстарда тәуелсіз Қазақстанның көк туын желбіретіп, ауданның атын асқақтатқан әлем чемпионы мен жүлдегерлерін Бейнеу ауданының әкімі Б.Әбілов қабылдады. Бейнеубек Көңілімқосұлы оларды шын жүректен құттықтап, аға буын мен жастар арасындағы сабақтастықты сақтап, сансыз биіктерді бағындыруларына тілектестігін білдірді. Өз кезегінде сөз алған жеңімпаздар мен жаттықтырушылар — Ж.Қайранов, А.Юсупов аудан басшысының спортты дамыту жолында спортшыларға қолдау жасауға жеткілікті көңіл бөліп жүргендігіне ризалық білдірді.
Қабылдауда жеңімпаз спортшылар мен жаттықтырушыларға аудан әкімінің сый-сияпаттары табысталды.
Аманғали ӨТЕПОВ
3312
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
