Президент кубогінде маңғыстаулық 3 боксшы жеңіс тұғырына көтерілді

©

Астана қаласында өткен бокстан ҚР Президентінің кубогінде маңғыстаулық үш боксшы жеңіс тұғырына көтерілді.

75 келі салмақ дәрежесінде Ерік Әлжанов қазақстандық боксшы Әбілхан Аманқұлға жол беріп күміс медальға ие болды.

Ал аса жоғары салмақта бокстасатын Бекзад Нұрдәулетов (81 келі) пен Айболды Дәуренұлы (91 келі) қола жүлдеге қол жеткізді.

Жартылай финалда Б. Нұрдәулетов өзбекстандық боксшы Бектемир Меликузиевке жол берсе, А.Дәуренұлы қазақстандық Қ.Қонақбаевтан ұтылды.

Бокстан ҚР Президентінің кубогі - жыл сайын өткізілетін халықаралық дәстүрлі турнир. Биыл алтыншы рет өткен додаға Ресей, Үндістан, Жапония, Өзбекстан, Моңғолия, Таиланд, АҚШ, Швеция сияқты 15 мемлекеттің боксшылары қатысты. Жарыстың қорытындысы бойынша Қазақстан 10 алтын медальға ие болып, жалпы есепте бірінші орынға шықты.

Камшат ОҢҒАЛТАЙ,

sports.kz сайтының ақпараты негізінде дайындалды

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.