Маңғыстаулықтар сайлау учаскесіне келіп дауыс беруде

Бүгін Қазақстан халқы Президент сайлауына қатысып, өзі таңдаған кандидатқа дауыс беріп жатыр. Сайлау учаскелері ашылған сәттен бастап жергілікті уақытпен сағат 13.00-ге дейін сайлаушылардың 52 пайызы дауыс беріп үлгерген. Сайлаушыларды сөзге тартқанымызда, елдің амандығы, Қазақстанның тыныштығы, болашақ ұрпақтың мүддесі үшін дауыс беріп жатқанын айтты. https://youtu.be/XazE3vBRtAI Сайлаушылардың бірі зейнеткер Айгүл Каибова өзінің немерелерімен бірге дауыс беруге келіпті. "Ақтау қаласында 14 шағынауданында тұрамын. Менің даусым маңызды деп есептеймін. Немерелерімнің келешегі үшін, олардың болашақ өмірі үшін, Қазақстанда жақсы азамат болып өсуі үшін дауыс бердім. Әрбір қазақстандықтың дауысы мына өскелең ұрпақ үшін маңызды. Мерекелеріңіз құтты болсын!" - деді ол. https://youtu.be/8ZTRZboL_S0 Өзінің отбасымен бірге дауыс беру үшін келген Ш.Есенов атындағы университеттің ректоры Берік Ахметовті де сөзге тарттық. "9 маусым - мемлекетіміздегі ең маңызды күн. Жанұяммен бірге президент сайлауына келіп, өз таңдауымызды жасадық. Әрбір азаматқа осы сайлауға міндетті түрде қатысып, дұрыс таңдау жасауға шақырамын", - деді ол. https://www.youtube.com/watch?v=Bz5NQVpQwVE&feature=youtu.be Айта кетелік, Маңғыстау облысында 223 сайлау учаскесі жұмыс жасайды. Оның 15-і — ауруханалар, әскери бөлімдер мен кен орындарында ашылған ерекше сайлау учаскелері. Таңертеңгі 9.00-ден бастап Ақтаудағы Ана мен бала орталығында орналасқан осындай сайлау учаскесінде 247 келіншек өз таңдауын жасаған. Оның 56-сы жүкті келіншек болса, 80-ні жаңа босанған аналар. Таңертеңнен бері өңірдегі барлық сайлау учаскелерінде патриоттық әндер ойнатылып, сайлаушылар мен байқаушылар үшін арнайы жәрмеңке жұмыс істеді.

Камшат ОҢҒАЛТАЙ,

Суреттер мен видеоларды түсірген Талант ҚҰСАЙЫН

[gallery td_select_gallery_slide="slide" ids="81138,81137,81135"]