Ақтауда әдеби кездесу өтті

Кеше Абай атындағы мәдени-демалыс кешенінде "Сүйіспеншілік пен шеберліктің нәтижесі - өнер" атты әдеби кездесу өтті, - деп хабарлайды mangystaumedia.kz сайты Ақтау қаласының әкімдігіне сілтем жасап.

Кешке Оқушы орталығы мен қаладағы 19 аула клубтарының өнерпаздары қатысты. Кешеннің 2 қабатындағы фойе залы көрерменге лық толды. Шара "Біз біргеміз" бағдарламасы аясында өткізілді. Оны Абай атындағы МДК 2 жыл бұрын өз жоспарына енгізіп, қалаға қарасты барлық өнер ордаларымен бірлесіп жұмыс атқарады.

Шара дәстүрлі аспапта орындау өнерін дәріптеп, насихаттау мақсатында және Абай Құнанбайұлының 175 жылдығы аясында ұйымдастырылып отыр.

Кеште Ұлы ақынның шығармаларын орындау бойынша көрермендер арасында дәстүрлі аспаптар мен фортепианоның сүйемелдеуін челлендж өткізілді.

Сонымен қатар, Оқушы орталығының жас мамандары сол жерде домбыра мен қобыздың суретін салды.

Әдеби кездесу барысында Ұлт аспаптар оркестрі аула клубтарының өнерпаздарымен бірлесіп, көпшілікке таныс шығармаларды орындады. Ұлттық аспаптардың қоңыр үні көрермеге керемет көңіл-күй сыйлап, рухани азық берді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.