Жетібай ауылында бір күнде төрт кәсіп ашылды

"Zhas Project" жастар корпусын дамыту әлеуметтік жобалар конкурсына Қарақия ауданынан 149 жоба қатысты. Одан 37 жоба үздік атанып, грант ұтып алған болатын. Жеңімпаз жастар әр сала бойынша өз істерін бастап, сәтті жалғастырып жатыр. Бүгін Жетібай ауылында төрт бірдей үздік жобаның тұсауы кесілді. "Жетібай Типография", "Пластик", "Stop time" фотосалоны және "Жәннат" торттары деп аталатын төрт бірдей жаңа кәсіп салтанатты түрде ашылды. Бүгінгі таңда аталған кәсіпкерлер ауыл тұрғындарына қызмет көрсете бастады. Олар баспаханалық қызмет, металл-пластикалық бұйымдарды жасау, фото-суреттер мен түрлі шақыру, құттықтау, марапаттау қағаздары мен бетшелерді шығару, сондай-ақ тәтті өнімдерін жасау қызметін ұсынады. Сонымен қатар көп балалы, аз қамтылған аналарға, мүмкіндігі шектеулі жандарға көмектесіп, оқыту қызметтерін көрсетеді.

Шынар КЕНДІН

Сурет автордан

[gallery td_select_gallery_slide="slide" ids="83725,83723,83722,83729,83728"]