«Қарақия - адалдық алаңы» жобалық кеңсесінің тұсауы кесілді
[ 2019 ] 11 желтоқсан, 07:46 | Маңғыстау жаңалықтары
Қарақияда халықаралық сыбайлас жемқорлыққа қарсы күрес күніне орай
«Маңғыстау – адалдық алаңы» жобалық кеңсесінің Қарақия аудандық филиалы салтанатты түрде ашылды, - деп хабарлайды mangystaumedia.kz сайты.
Салтанатты шараға Маңғыстау облысы әкімінің орынбасары Қаныбек Жұмашев, облыстық сыбайлас жемқорлыққа қарсы күрес ұйымдарының басшылары,
Қарақия ауданы әкімі Қыдырберді Беков және аудан активі, топ мүшелері қатысты.
Тұрмыстық сыбайластыққа қарсы күрес мақсатында ашылған жобалық кеңсенің лентасын Маңғыстау облысы бойынша Сыбайлас жемқорлыққа қарсы қызмет департаменті басшысының бірінші орынбасары Серік Маханбетәліұлы және «Маңғыстау – адалдық алаңы» жобалық кеңсесінің жетекшісі Дайрабай Үсіпбаев қиды.
Шараға қатысушылар жобалық кеңсені ізгілікке балап, алдағы жұмысына адалдық, сәттілік тіледі.
Бұдан былай "Қарақия - адалдық алаңы" жобалық кеңсесі аудан тұрғындарының арыз-шағымдары мен ұсыныстарын назарға алып, аудан көлеміндегі жемқорлықтың деңгейін төмендетуге өз үлесін қосады.
Шынар КЕНДІН
2240
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
