Маңғыстау ауданы әкімінің орынбасары тағайындалды
[ 2019 ] 11 желтоқсан, 05:40 | Маңғыстау жаңалықтары
Маңғыстау ауданы әкімі Т.Көшмағанбетовтың өкімімен Асқар Лақбайұлы Аққұлов Маңғыстау ауданы әкімінің кәсіпкерлік, ауыл шаруашылығы және жер қатынастары салалары бойынша жетекшілік ететін орынбасары қызметіне тағайындалды, - деп хабарлайды mangystaumedia.kz сайты Маңғыстау ауданы әкімдігіне сілтеме жасап.
Асқар Аққұлов 1979 жылы Шетпе ауылында дүниеге келген. Білімі – жоғары. 2003 жылы Ш.Есенов атындағы Ақтау мемлекеттік университетінің «Қолданбалы экология» мамандығын бітірген.
2016 жылы Нұр-Сұлтан қаласында ҚР Президентінің жанындағы мемлекеттік басқару академиясынан «Мемлекеттік және жергілікті басқару» мамандығы бойынша білім алған.
Еңбек жолын Маңғыстау ауданы әкімі аппаратында бас маман қызметінен бастаған. Аудан әкімдігіне қарасты бірнеше бөлімдерде басшылық қызметте болған, сонымен қатар аудан әкімі аппаратының басшысы қызметін атқарған.
2017 – 2018 жылдары аралығында Маңғыстау облысы экономика және бюджеттік жоспарлау басқармасының бөлімі басшысы қызметін атқарған.
2018 жылдың желтоқсанынан бастап осы уақытқа дейін «Атамекен» ҰКП Маңғыстау облысының кәсіпкерлер палатасы филиалының директоры қызметінде болған.
Жұлдызай ҚАЛИЕВА
5207
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
