Медициналық сақтандыру қорының Маңғыстау филиалына жаңа басшы тағайындалды
[ 2019 ] 18 желтоқсан, 10:45 | Жаңалықтар
Бүгін «Әлеуметтік медициналық сақтандыру қоры» КЕАҚ Маңғыстау облысы филиалына директор болып Бектубаев Руслан Фаризунұлы қайта тағайындалды, - деп хабарлайды mangystaumedia.kz сайты.
Бұған дейін «Әлеуметтік медициналық сақтандыру қоры» Төрағасының шешімімен, Бектубаев Руслан Фаризунұлы Қызылорда облысы филиалында филиал басшыларын ротациялау бойынша 2019 жыл бойы директорлық
қызметте болды.
Айта кетейік, осы жылдың қаңтар-желтоқсан айларында Маңғыстау филиалын
Исмаханбетов Бақыт Торғайбайұлы басқарған болатын.
Руслан Фаризунұлы Бектубаев 1959 жылғы 26 мамырда Ресей Федерациясының Астрахань қаласында дүниеге келді. 1976 жылы А.В.Луначарский атындағы Астрахань мемлекеттік медицина институтына түсіп, 1982 жылы оны «емдеу ісі» мамандығы бойынша аяқтады.
2006-2009 жж. «Облыстық қан орталығы» МКҚК директоры лауазымын атқарды.
2009-2011 жж. Маңғыстау облыстық денсаулық сақтау басқармасы басшысының орынбасары қызметін атқарды.
2011-2016 жж. Маңғыстау облыстық денсаулық сақтау басқармасы басшысы қызметін атқарды.
2016-2017 жж. «Нейрон» ЖШС медициналық клиникасында директордың орынбасары қызметін атқарды.
2017-2018 жж. «Әлеуметтік медициналық сақтандыру қоры» КЕАҚ Маңғыстау филиалында директор болды.
2019 ж. қаңтар айынан бастап бүгінгі күнге дейін «Әлеуметтік медициналық сақтандыру қоры» КЕАҚ Қызылорда филиалында директор қызметін атқарды.
2009 жылы «Денсаулық сақтау саласының үздігі» деген төс белгісімен, Облыс, қала əкімінің «Құрмет грамотасымен» жəне алғыс хаттарымен марапатталды.
2220
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
