Қарақияда желқондырғылар салына бастады
[ 2019 ] 5 желтоқсан, 15:34 | Экономика
Әлем халықтары тұтынатын қуаттың 85 пайызы мұнай мен газ және көмір арқылы алынады. Ал, табиғи байлықтың қоры ерте ме кеш пе сарқылары сөзсіз. Сондықтан балама энергия көзі мен жасыл экономикаға ауысу - болашақ талабы.
Елбасы «Қазақстан-2050» Стратегиясы - қалыптасқан мемлекеттің жаңа саяси бағыты» атты Жолдауында: «Біз энергияның баламалы түрлерін өндіруді дамытуға, күн мен желдің энергиясын пайдаланатын технологияларды белсенді енгізуге тиіспіз»,- деген болатын.
Стратегиялық жоспарды жүзеге асыру мақсатында Қарақия ауданында қуаттылығы 15 МВТ болатын жел электр станциясының құрылысы басталды.
Аудан әкімі Қыдырберді Беков, «ВЭС Сервис» ЖШС-і қолға алған жобаның жұмысымен танысты.
Мердігер мекеме алғашқы желқондырғыларды орнатып, жоба жұмысы жалғасып жатыр.
Желқондырғылардың қалақшалары ауа массасының қозғалысы әрекетінен айналады.
"Жел энергиясының келешегі зор, экологиялык таза, қоры ешуакытта саркылмайды, әрі арзан тиімді.
Қыс мезгілінде тығыздық жоғары болғандыктан, желдің бірдей жылдамдығына қарамастан, жазбен салыстырғанда жел генераторы көп энергия береді", - деді жоба үйлестірушісі Ринат Хасбиулин.
Шынар КЕНДІН
2399
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
